بیستا بوئم یا بَسروئم؟

غرصه امه سِفره ی سر مَجمه پِلا ره موندنه

اینتی اوگر بَیّه خِده تَنِ قِوا ره موندنه

وِشنا بِتیم ره موندنه سِرمونی چه ندارنه وه

بَیّه امه تنِ بِلا ، جَنگی طِلا ره موندنه

زیزبَکشیه سرو تن بجوسّه هِسّکاره وِ

نِلنه نِخاری بَکِشیم ، زَردِ دِوا ره موندنه

چینگوم بَزوئه دل ِ سر ،خش بَدیّه گِمونمه

اینتی فِرو بورده خِده راستِ پِکا ره موندنه

بیستا بوئم یا بَسروئم؟، شه درده آسنی هاکنم

دل جا که در نَشونه وه، بَیته صدا ره موندنه

خاطره صابری

https://t.me/Haoshyangha